چاشت لە تەمەنی دوو ساڵیەوە

خواردنی بەیانیان بۆ باش گەورە بوونی منداڵ زۆر گرینگە، زۆربەی دایکان بە دوای خواردنێکی باشدا دەگەڕێن بۆ ئەوەی وەک چاشت بیدەن بە منداڵەکانیان. لێرەدا هەوڵ دەدرێت هەندێ زانیاری پێویست بخرێتە بە دەست.

سپیاتی. شیرەمەنی

شیر باشترین خوراکە بۆ منداڵ کە سەرچاوەی کەلسیۆمە کە زۆر پیویستە بۆ ئێسکەکانی منداڵ تا  تەمەنی گەورەیی،  هەروەها منداڵ پێویستی بە پرۆتئینە بۆ سێلوولەکانی لەشی و بۆ بە هێز کردنی جەستەی کە شیر سەرچاوەی پرۆتئینە.

چۆن شیر یا شیرەمەنی وەک ماست و پەنێر و هتد بدەین بە منداڵ؟

تا تەمەنی 3 ساڵان منداڵ دەبێت هەموو رۆژێک شیر بخوات (شیرێک کە بە تایبەتی بۆ منداڵ بەرهەم هاتوە) بۆ پڕ کردنەوەی کەمیەکانی لەش، بە تایبەتی ئەگەر منداڵێک کەم خوراکە. شیر سەرچاوەی ئاسن، ڤیتامین و چەوری پێویستە، ئەگەر شیری تایبەت بە منداڵ نییە بە دەستەوە دەتوانن شیری مانگا بدەن بە منداڵەکەتان، یان ماست یان پەنێر   

منداڵێکی 2 ساڵان رۆژانە 500 میلی لیتر شیری پێویستە بۆ خواردن، گرنینگ نییە لە ناو چیدا دەیخوات، لیوان، شیشە شیر یان کاسە.

بۆ ئەوەی منداڵەکەمان هان بدەین بۆ خواردنی شیر دەتوانن پەرداخ یان کاسەیەکی بۆ هەلبژێرن کە وێنەی کەسایەتی ناو کارتۆنێکی پێوەیە کە حەزی لێ دەکات یان وێنەی هەر شتێکی تر کە پیێ خۆشە.

پێنج جۆر نانی بەیان بۆ منداڵی تەمەن 2 ساڵان

• کاسەیەک شیر (150میلی لیر)+ 30 گرەم دانەوێر (غەلات)+ یەک دانە میوەی چکۆلە
• سەد گرەم ماست+ یەک دانە نانی بریۆشی چکۆلە+ یەک دانە کۆمپۆتی بێ شەکەر
• سد گرەم پەنێر+ یەک چەند تیکە نان+ 10 گرەم هەنگوێن+ یەک لیوان ئاو میوە
• سەد و پەنجا گرەم ماست چکێنراو، 4 دانە بیسکویت+ یەک لیوان ئاو میوە
• یەک دانە هێلکەی کۆڵاو+ یەک تیکە نان+چەند تیکە میوەی تازە
• هەرکام لەم چوار جۆرە دەتوانێت چاشتێکی باش بێت بۆ منداڵەکەتان